裕民一族

三年又三年

imoneyiwealthy — Mon, 26 Sep 2011 18:55:39 +0800

由於工作太忙，又要頻頻出差，所以好半年沒有更新內容，而個人投資亦差不多處於冬眠狀態，上星期回港，看到這幾天組合內的股份插完又插，終於又想講兩句。

我對港股一年的走勢不太樂觀，但我的入市興趣沒有減少，由於現時持股都不少，所以要吸納的話會慢慢地吸，一如零八年時，港股由三萬跌到二萬時，入市資金耗盡，只可以等出糧再買，其後一元以下的創科，只可以買入微量，等到三年的光景，升值十倍。長線來說，好的股份可以慢慢吸，那怕股市跌完又跌，反彈時就是投資收成時。

有人會為早期沽出股份沾沾自喜，話等到股市當頭起時再入，誰可以話你知那一刻才是當頭起? 但好股超賣，我就較有信心指出來。

組合內的股份如惠理、創科、神洲數碼、重慶機電等，現時都跌到四腳朝天，但我樂於分段慢慢買入，再等三年，看看成績又如何。

跑輸大市

imoneyiwealthy — Tue, 01 Mar 2011 00:02:30 +0800

匯豐在香港收市後公布業績，股價在倫敦早段已被人狂插，FT話因為盈利低於部份大行預期，而集團仲調低盈利目標。睇來港股進入業績高峰期都繼續有排波動。

話說回來，上星期受到利比亞政局影響，不少基金愛股跌到四腳朝天，組合內的二三線股都不例外，拖累頭兩個月的投資回報跌約4%，遠差於恒指1%的回報。不過在最近的跌市中都沒有沽貨離場打算，但就繼續作出換馬行動，換入一些跌得頗為厲害的股份，如中航信、重慶機電，及買回好早前減持的德昌和創科。

另外，今天見到光大國際出業績，成績都唔錯，加上股價早已跌回4元樓下，所以亦都入住一注先，環保股份一直我都偏好，除光國我都持有中金再生。

事實上經過早前的基金洗倉活動，唔少股份我都覺得頗為吸引，不過現金水平極低，想買都唔夠彈藥，只得換出部份股份，而組合內其實想換出的股份唔多，只得換出跌得唔算深的中海油。而進入業績高峰期我都會因應成績表才決定組合股份的去留，至於近期組合表現遠於大市，只可以用一個長線少少的態度看待。

MPF回報

imoneyiwealthy — Sat, 19 Feb 2011 13:22:14 +0800

一直以來都把MPF視為無奈的投資，亦係個人投資當中回報較弱的一環，所以過往較少理會，去年底曾經調動過一次組合，記憶中好似係供咗咁耐第一次有調整，近日收到基金公司的報告，興之所致又上網Update下，發現在調動之後，近三個月的回報竟然跑嬴我自已主理的投資組合。

由於強積金公司定期的投資報告，資料簡單到極，普通人好難掌握到自已供咗幾多，而基金至今又幫係賺咗幾多，又冇按年比較，這是否刻意安排?

(閱讀全文)

靜待業績期

imoneyiwealthy — Sun, 13 Feb 2011 12:25:05 +0800

恒生指數在過去一周跌逾千點，組合內的二三線股跌得更加慘烈，基金愛股在早幾天輪流被清倉，不過經歷過去年的起起伏伏，都唔覺太緊張，市況如果係因為流金問題，香港地資金流出流入好易又好快，咁最簡單方法係繼續持有啲優質股，等資金回流。

我唔相信今年往後時間，恒指上唔番二萬三，無謂跟大戶走出走入。事實上不少二三線股都跌咗唔少，重返去年9月恒指重拾升軌時水平，如果當時大家入唔到貨，依家機會又再來，問題係在市況不穩之下，大家又是否有信心持貨。

(閱讀全文)

動若脫兔 vs 守株待兔

imoneyiwealthy — Fri, 04 Feb 2011 12:43:11 +0800

今年首月股市走勢都頗為飄忽，特別是二三線股，忽上忽落，真的動若脫兔，想捉佢都唔容易，估計兔年股市表現都唔例外，所以應變方法有二，一係同佢鬥靈活，二係以靜制動守株待兔，買入一些自已有信心、估值吸引，前景良好的股份放埋一邊，短期的波動一於少理。

造成年初的走勢，其中一個原因是流動性資金的問題，內地政府收銀根，上海的銀行拆息(Shibor)一日間可以大幅抽升，在班資回潮下，二三線股有幾天跌到四腳朝天，年初升幅全數抵銷晒，另方面，美股走勢偏強，或有部份資金部署從新興市場撤回美國等較成熟市場。另外，不少對沖基金落戶香港，股市波動搵錢機會自然高一線。

年初以來可以看到早前被受追捧的內需股份走勢逆轉了，如恒安，大家開始話佢貴，而波斯登跌勢更加悽烈，出口股表現忽上忽落，跟得太貼可能頭都暈埋，所以在最近兩星期我都減少買賣，保留一定現金，跌得多的買入少少，整體都按兵不動。

觀望

imoneyiwealthy — Mon, 31 Jan 2011 22:55:30 +0800

股市連日調整，都把我年初所賺完全沖銷晒。不過近期忙於工作，所以都對市況未有作出太大應變行動，由於對未來都唔睇得太淡，所以暫時都按兵不動。

留意到近期部份二三線的跌幅頗大，遲下或會分段吸納或加注，例如周生生、星島、恒安、渣打等等。另外，中國海外宏洋近日逆市急升，買入兩周都升逾兩成，升勢之勁我都唔知原因，原想加注，但都係觀望下再作決定。

商品/資源的需求

imoneyiwealthy — Mon, 24 Jan 2011 13:10:40 +0800

節錄自金融時報,大家可以有無限的想象空間

Steel price forecast to rise by up to two-thirds

(Published: January 23 2011 19:26)
Steel prices are set to jump by up to 66 per cent this year, top executives and analysts have said, a burst of inflation on a scale the industry has suffered just once in the past 70 years.

In a set of forecasts provided for the Financial Times by 16 steel experts around the world – including six senior executives and 10 industry analysts – projections of the year-on-year rise in prices by the end of 2011 average 32 per cent.

(閱讀全文)

小注中國海外宏洋

imoneyiwealthy — Wed, 19 Jan 2011 18:38:48 +0800

見到市況改善又心癢癢去尋寶，終於重遇久違的三四線股份中國海外宏洋(前身係蜆売)。今天買入少量暫作長線投資。

記得去年買入這隻股份，是撥入高風險組合，公司剛被中國海外收購，睇中佢係預期公司重點發展二三線城市，在母公司裁培下有機會造強，一年後這個概念沒有改變，股價其實與去年同佢暫別時升了三成，今年以來都頗為強勢。

今天的宏洋所走路線與市場當初估計無分別，主打二三線城市的住宅市場，一線的話就只係做小型項目，股份未被市場注視，在各大報章搵到佢的新聞或推介都好難，這令我反而更加有興趣，一來二三線城市有潛力，二來又對母公司有信心，當潛質真的顯露(唔知幾時，這是風險之一)，回報可以好吸引。公司將於三月中公布全年業績，是龍是蛇到時或有啟示，再者見到主席早前密密吸，都係正面訊息，所以決定分注買入，先一小注試水溫，控制虱險，對路的話慢慢加注未遲。如果市況沒有逆轉，我打算放耐少少，這類股份或需要多一點耐性，如果未來內房股追落後的話，佢未必係率先受追捧的一族，因為佢只不過係二三線的內房股。

更難捉摸的2011

imoneyiwealthy — Tue, 18 Jan 2011 23:20:19 +0800

記得去年大約又係一月中，內地出奇不意加存款準備金率，港股第二天勁插逾500點，穿咗二萬二點，亦都扭轉咗強勢。港股大部份的時間都好難玩，個人組合亦都要等到第四季才可以由負變正，觀察今年頭兩個多星期，感覺今年比2010年更難捕捉，去年學到的策略今年或有修正的必要。

不過，內地日前加存款準備金率，我唔覺會對大市有好大的衝擊，今時今日這個措拖大家反覺得係較溫和的遏止資金泛濫舉措。所以今次人行又出招，無對港股的走勢構成大影響，但要留意的是人行會否在春節前再出招。

近幾個星期港股好有「個性」，即使美股和內地股市走弱，但港股都可以獨善其身繼續造好，但升的主要是個別大藍籌，二三線股都已經謝謝地，這令我不得不提高警覺，所以上星期陸續將一些短線或信心不大的沽出，要買的主要是調整咗而自已比較認識或有信心股份，免得無原無故下跌，被人震走之後又反彈，另外亦由於預期未來工作變得繁忙，未必對股份跟得太貼，所以都增加些防守性股份。

年初以來，陸續把一些出口股(愛高、思捷、信星等)沽出了，買回一些早前沽出股份，如重慶機電、星島、周生生等等，因為股份已略有調整加上較為熟識，不用花太多時間跟進。另外再買入番越房，成哥計劃發人民幣Reits，睇怕在貨比貨下，越房唔會輸蝕，逾五厘股息都仍然吸引，另外日前都增持了冠君房產。

調整組合

imoneyiwealthy — Sun, 09 Jan 2011 12:36:00 +0800

早前提到，2009年帶到2010年的股份如果原封不動，2010年的投資回報就會遠比恒指還要差，只會錄得2%以下的增長。近日我又睇番現時的組合，大部份都係進攻型，多屬中短線，所以如果唔睇得緊啲，亦好容易又歷史重演。

踏入2011年，組合內的股份表現都唔錯，佔較大比重的股份如惠理、德昌、和黃、創科等都有不俗表現。近日亦都因應市況暫時換出股份，特別係資源股如中信大錳、江西銅等，侍回調多一下才再入。

(閱讀全文)

2011年策略

imoneyiwealthy — Sat, 01 Jan 2011 15:02:12 +0800

2010年恒生指數全年僅升5%，在中港經濟環境穩定和企業盈利有改善下，這個成績可算令人失望，美股(道指)都升逾一成，港股表現卻比這個經濟元氣未復的海潚來源地還差!

不過從另一個角度，港股在09年表現出眾，有點預支未來，從大好友角度出發，整固了一年之後，新的一年可望有所作為，前年一眾大行估2010年恒指上望27000點，這個估計/願望或有機在延後的一年，即2011年實現。

(閱讀全文)

達標

imoneyiwealthy — Thu, 30 Dec 2010 23:10:41 +0800

記得以前提過，個人投資的目的是為財富增值，如果每年能有一成二的回報，就可以達標收貨，太高的目標會令自己承受太大的風險和壓力，太低就不如把錢放入銀行，或者買債券買公用股長擺不用煩。每年12%的投資回報應該不是太高的要求，當中股息收入都約有2-3%，只是額外爭取10%的成績。2010年只剩下半個交易日，初步埋單計數。今年亦都可以順利達標。

(閱讀全文)

深索明年主題(之二)

imoneyiwealthy — Sat, 25 Dec 2010 15:17:14 +0800

作為一個小股民，要預測一年的股市走勢並不容易，亦沒有太大的需要，因為中間出現的變數太多，例如美國2010年擺脫不了經濟低谷，失業率達雙位數字，所以不單沒有收水喉還要加倍放水造成水花四溢，歐豬問題又係大家唸唔到會咁困擾的事，只有大陸下半年加息收緊銀根不太令人意外。

2011年主題之一，離不開美國的量化寬鬆，影響有利有弊，明顯地美國將問題輸出讓大家「分享」，全球資金四溢，新興國家要拉閘收緊銀根，經濟增長怕難再高速增長，內地如是，印度、巴西等金磚國家都亦不例外，巴西股市今年都難復去年勇，所以早前我都把美國上市的巴西ETF沽哂。另邊廂美國經濟有起色，或者遲下將部份強積金由大中華轉到美國股市。

(閱讀全文)

探索明年主題

imoneyiwealthy — Wed, 15 Dec 2010 22:48:22 +0800

市場信心麻麻，加上買賣開始變得兩閒，遇到歐洲傳來的負面消息(西班牙信貸或被降級)，令到港股又急插逾400點。個人對這個市況都沒有感覺了，現正收拾心情準備外遊放鬆下。

回顧今年的投資，的確一啲都唔容易，去年恒生指數升逾五成，有點預支今年的表現，個人組合在頭八個月都處於負回報的成績，等到第四季才可以翻身。今年的投資回報得來不易。如果唔換馬，更加會跑輸大市，不過現在檢討又覺得有點過度活躍，應該收歛一下。

(閱讀全文)

組合準備迎新年

imoneyiwealthy — Sun, 12 Dec 2010 22:16:36 +0800

2010年進入倒數階段，年初至今投資組合的回報已有兩成，相對於恒指近6%的升幅，個人對這個成績都收貨了，所以現時的注意力都放在明年身上，看看組合內的股份哪些可以留低，哪些應該換出。

睇番舊紀錄，如果我把去年帶入2010年的股份原封不動，至今的回報僅得2.5%，當中去年底成立的高風險組合(如中集安瑞科、美蘭機場、龍源等)經不起時間考驗，大部份表現強差人意，幸好這些股份早已換出，組合亦在上半年結束，當時還都可跑贏大市帶來唔錯的盈利。始終高風險組合只適合短線投資，仲要盯得緊啲。

(閱讀全文)