香港新浪網 MySinaBlog
« 上一篇 | 下一篇 »
iw | 13-Feb-11, 12:25 | 個人投資攻略 | (82 Reads)
 恒生指數在過去一周跌逾千點,組合內的二三線股跌得更加慘烈,基金愛股在早幾天輪流被清倉,不過經歷過去年的起起伏伏,都唔覺太緊張,市況如果係因為流金問題,香港地資金流出流入好易又好快,咁最簡單方法係繼續持有啲優質股,等資金回流。

我唔相信今年往後時間,恒指上唔番二萬三,無謂跟大戶走出走入。事實上不少二三線股都跌咗唔少,重返去年9月恒指重拾升軌時水平,如果當時大家入唔到貨,依家機會又再來,問題係在市況不穩之下,大家又是否有信心持貨。

每當基金愛股被洗倉時,我都忍唔住換馬,今次亦都唔例外,小注買入或增持一些股份,例如偉易達、德昌、創科、重慶機電、恒安,把一些調整較小股份先行換出,如重農行及俄鋁。由於股份都係小注買入,近期組合持股數量增加咗,遲下大市再跌的話,會把一些reits賣出,進一步低吸。

說回來,踏入2011年,歐美股市都做得唔錯,以MSCI指數為例,年初至今歐洲和美國分別升5%,亞洲除日本,大部份負增長,A股跌1%MSCI香港指數跌2%,港股明顯失色,問題係我唔覺香港估值偏貴,三月開始進入業績期,又可以引證一番。

留言(0) | 引用(0) | 話題(股市)