香港新浪網 MySinaBlog
« 上一篇 | 下一篇 »
iw | 19-Jan-11, 18:38 | 個人投資攻略 | (100 Reads)
 見到市況改善又心癢癢去尋寶,終於重遇久違的三四線股份中國海外宏洋(前身係蜆売)。今天買入少量暫作長線投資。 

記得去年買入這隻股份,是撥入高風險組合,公司剛被中國海外收購,睇中佢係預期公司重點發展二三線城市,在母公司裁培下有機會造強,一年後這個概念沒有改變,股價其實與去年同佢暫別時升了三成,今年以來都頗為強勢。

今天的宏洋所走路線與市場當初估計無分別,主打二三線城市的住宅市場,一線的話就只係做小型項目,股份未被市場注視,在各大報章搵到佢的新聞或推介都好難,這令我反而更加有興趣,一來二三線城市有潛力,二來又對母公司有信心,當潛質真的顯露(唔知幾時,這是風險之一),回報可以好吸引。公司將於三月中公布全年業績,是龍是蛇到時或有啟示,再者見到主席早前密密吸,都係正面訊息,所以決定分注買入,先一小注試水溫,控制虱險,對路的話慢慢加注未遲。如果市況沒有逆轉,我打算放耐少少,這類股份或需要多一點耐性,如果未來內房股追落後的話,佢未必係率先受追捧的一族,因為佢只不過係二三線的內房股。

留言(4) | 引用(0) | 話題(股市)

[4]

中移動我都有好一段時間沒有留意.現時恒指處於近24000點水平,中移動仍停留在77元水平似有吸引力,但就看不到股價有甚麼推動力,不過以現價睇,逾三厘的股息都可以安心持有.
鄭州燃氣現價吸引,公司收入都有穩定增長,但中央要遏通脹,燃氣冇得加價令到市場對這類股份興趣大減,所以買入或持有股份最好持一個較長線的策略,勝算機會才高.


[引用] | 作者 裕民 | 23-Jan-11 16:36 | [舉報垃圾留言]

[3]

經過一輪的調整,利君都有吸引力,不過由於基數增加,加上中央繼續要遏藥價,近期藥股的盈利增加都唔太強,這個板塊持續降溫,所以即使股價反彈,會否強勁及持久,會係一個疑問.至於亨泰我沒有研究比唔到意見.


[引用] | 作者 裕民 | 23-Jan-11 16:24 | [舉報垃圾留言]

[2]

另想問下對現價購入亨泰及利君的意見....


[引用] | 作者 bis | 23-Jan-11 11:48 | [舉報垃圾留言]

[1]

點睇中移動和鄭州燃氣? 前者我剛以$78.2買了,有些後悔,唔知係咪應該買中電信。後者我用$17買了後,走勢一直偏弱,search佢既新聞又唔多,係咪係咪應該沽出...


[引用] | 作者 bis | 23-Jan-11 10:29 | [舉報垃圾留言]