香港新浪網 MySinaBlog
iw | 24-Nov-10, 23:24 | 個人投資攻略 | (126 Reads)

近日比較忙,加上市況頗為波動,操作上略為收歛,正如早前提到,對未來市況唔係睇得淡,所以即使遇上跌市,都寧願捱捱價。 

繼偉易達之後,德永佳都交出令人唔太滿意的成績表,再睇埋昨天公布業績的葉氏(我沒有貨),似乎俾我的印象,工業股真的較難突圍,幾間公司的盈利都受到成本上升影響,而德永佳的零售部份好少少,毛利有所上升,但唔足夠令人有太大的憧憬,所以在出業績之後,我都沽出了德永佳,算是平手沒有賺蝕。現時工業股中只剩低創科、德昌和明天公布業績的互太。德昌今昨天逆市走強,今天亦升穿了5元,但我都決定先行減持少少,待業績後才決定再減或增持。

 (閱讀全文)

iw | 18-Nov-10, 23:25 | 個人投資攻略 | (34 Reads)

港股連跌4個交易日之後終於有反彈,表現比外圍稍勝,二三線股的升幅都唔錯,這幾天又趁動盪市調整組合,反而沒有增持太多現金。個人對今次的調整都沒有太大的反應,始終相信高位或有機會在稍後時間出現,所以好多股份都傾向捱捱價,免得出咗去入唔番。 

A股短期內唔容易擺脫弱勢,面對通脹升溫,中央勢將嚴陣以待,除咗嚴控價格,收緊銀根都少不了,市場游資減少,活躍程度都受限。在QE2之下,香港唔太擔心缺水,不過市場波動性會大咗,要有心理準備,中央出奇不意又出招。在這個形勢下,內銀內房都係避避,資源股預咗比較波動,分散會較安全。

天見到江西銅跌到四腳朝天,忍唔住今天入咗貨,不過減咗一半兗煤,亦都買入近期調整頗大的聯塑,近排對油管、喉管興趣都幾大,特別係在十二五中,大陸要大搞西北水利,龐大工程整裝待發,喉管生意都應該好有前途。另外減持鄭州燃氣,換入調整較深的新奧能源。

出口股方面,偉易達的成績表令人失望,所以急不及待全數沽出,同時對其他工業股都有少少擔心,所以減咗少少德永佳,寧願等埋業績先再作決定,擔心好似偉易達咁,業績反彈一輪之後無以為繼,成本(工資、原料等)上升對利潤造成好大壓力,就如早前的理文造紙一樣。所以在月底公布業績前,如果德昌可以升穿5元,都傾向減少少磅,待業績有交待先再入過。


iw | 15-Nov-10, 23:24 | 個人投資攻略 | (32 Reads)

港股今天跌近200點,二三線股的跌幅就更加顯著,不過仍覺得市場氣氛未算太差,個別股份的成交未見有太大的增加,沽壓唔算太重。 二三線股中,以近期升得較急的有較大的調整,而一些落後股份反而可以逆市上升,反映部份人士先行收割鎖定利潤,以及作換馬行動。 

組合內的重磅二三線股如惠理連日都跌得頗急,不過未有影響我的信心,上星期五曾經入多一注,除非往後的市況變得很差,否則都唔傾向減磅。另外,上星期五其實都有唔少換馬行動,但見到今天跌勢未止,所以轉而增持一些現金,沽出部份股份如中金再生等,因為資源類股份都跌到四腳朝天,可以直接買入這些股份。 我亦沽出華潤燃氣,資金轉而增持昆侖,燃氣組合希望可以漸入佳境,據聞北京將上調燃氣費一成以上,而內地開始談論緊燃氣荒。

另方面,從近日的觀察,工業類股份的表現較為硬淨,近期美國的經濟數據唔錯,美國今晚公布的10月零售數據都優於預期,加上美國快進入銷售旺季,出口股都可以再留意下。當然內地股市近日氣氛麻麻,所以策略上都係審慎一啲,傾向將現金水平提高多少少。


iw | 13-Nov-10, 12:52 | 個人投資攻略 | (50 Reads)
港股星期五跟隨內地股市急挫,大家議論緊是否預示見頂的徵兆,咁不妨回望過去,睇下有沒有啟示。 

上海的上證綜合指數昨天急插5%,創14個多月以來最大跌幅,上一次在升浪勢頭下暴跌5%或以上09729是一例,指數從3438點跌至3266點,一日跌咗172點或5%,之後雖曾反彈,但兩星期後指數搭級而下,跌穿3000點的心理關口,暴跌日起計一個月內跌咗12%,中間及之後都出現過單日逾5%的大跌市


 (閱讀全文)

iw | 10-Nov-10, 23:30 | 個人投資攻略 | (109 Reads)

內地又調高存款準備金率,股市昨天已經做咗反應,加上這種措施相對溫和,對大市影響未必令人太擔心,焦點反而落在十月份的經濟數據,睇睇市場點樣演繹。

這兩天跌市,市場氣氛唔係太差,應屬於正常調整。個人操作唔係太多,因為現金水平極低,買入一隻需要同時沽出一隻股份,而組合內想換出的股份唔多。昨天趁惠理調整,又加多一注。另方面原想增添些礦業股,最後都改變主意,買番早前沽出的股份如中金再生。

環保係我頗喜歡的板塊,早前亦曾經買入過光大國際,不過4元以上水平真的覺得貴,所以唔打算入,除非未來公司可以交出亮麗的業績。另外,日前理文造紙公布了中期業績,我又好奇(但我對這隻股份興趣唔大)睇下份報告,工資和成本增加咗,侵蝕了利潤,公司提到廢紙價格上升,即時令我想起廢物回收行業,包括做回收紙的福和及金屬回收的中金再生,兩隻股份都買過,但對後者較有興趣,因為福和上市的日子太短,感覺唔係太安心。中金再生上市一年多,業績都沒有令人失望,加上在QE2的刺激下,金屬和資源股大受追捧,金屬價格上升,回收的金屬亦都有價,況且內地的家電下鄉、汽車舊換新都提供唔少回收的金屬,前景應該唔錯,公司往績市盈率約16倍,上半年的盈利都增加逾倍,全年都唔會太差,所以估值都屬於吸引水平。


iw | 06-Nov-10, 23:05 | 個人投資攻略 | (75 Reads)

港股受到美國QE2的消息推動而大升,個人組合的重倉股份如港交所、惠理和德昌升勢頗為強勁,這個星期的收獲可謂都當不俗。而面對美國第二輪量化寬鬆措施,我都樂意微調組合。

記得索羅斯來香港演說時曾經講過,見到泡沫才會大舉入市,等到泡沫成熟就離場,隨著熱錢源源不絕的流入,泡沫的踪影開始展露,似乎符合炒家積極入市的條件,況且頭三季大部份的對沖基金都冇啖好食,今年的表現就要靠餘下時間發圍。

 (閱讀全文)

iw | 03-Nov-10, 22:28 | 個人投資攻略 | (65 Reads)

組合內的德昌終於發威,急升近一成半,成交亦都激增。其實早兩天再增持了一些股份,原想解釋兩句,但最終未有時間寫下,今天股價大升才番出嚟講似乎遲少少。 

星期一加注德昌係見到大股東在10月底再增持股份,公司將在11月底公布中期業績,大股東此舉似乎想搭尾班車,趕在禁止買賣期前入貨,這當然是正面訊息。事實上德昌在5月底公布上年度業績之後,大股東一直密密吸,累積花咗逾三千萬元增持股份,今次買入價(平均每股4.245)算係最貴的一次,數量亦係第二多,所以我都樂意跟跟風以4.23價格入貨。

 (閱讀全文)

iw | 31-Oct-10, 13:54 | 個人投資攻略 | (106 Reads)

過去星期港股有啲腳軟軟,但個人操作變得好活躍,因為想吸納的股份太多,而資金有限(現金水平低於5%),所以迫住進行換馬行動。 

近期見到大市調整,但市場氣氛唔係太差,一些二三線股輪流跌,從跌勢和成交看到沽壓唔係太大,可能係大家先行減減磅觀察下新一周大事發展先。未來幾日萬眾矚目的新一輪量化寬鬆QE2計劃揭曉,加上美國中期選舉,大家都要盯緊啲。

 (閱讀全文)

iw | 26-Oct-10, 23:15 | 個人投資攻略 | (99 Reads)
雖然燃氣組合表現麻麻,但無損我對迎接「寒冬」的興趣,昨天早上才留意到兗煤原來交出了唔錯的季度業績,所以隨即入貨,興幸早了一步,所以單日都錄得唔錯回報,今天趁回吐再增持。 

不過今年以來我買賣煤炭股,多數在掌握時間上做得非常差,整體都係蝕多賺少,希望今次例外。揀兗煤除了因為業績靚靚,亦因為在高增長支持下,估值變得較吸引,加上之前收購澳洲煤礦,依家澳元強勁將有利兗煤盤數,而步入冬天,市場對煤炭需求更加緊張,煤價升勢停不了。

除此之外,我都買入了勝利管道,今早亦加多一注,燃氣相關的股份一向係我的所好,安瑞科因為未有太大表現,加上現金水平偏低,所以暫時繼續觀察下先。至於組合內的燃氣股大致沒有變動,鄭州燃氣上星期除淨(特別股息)後都呆呆地,北控偏軟而華潤燃氣亦都落後大市,不過我會繼續放埋一面。

另外今天再增持惠理基金,我始終相信公司業績將有頗大的增長,現水平我仍覺吸引,而現時股份的平均回報超過一成,有唔錯的利潤墊底,有條件可以加碼。

由於入咗唔少貨,現金水平極低,所以逼不得已要換出一些股份,除全數沽出中移動,亦都暫時賣出震雄,遲下有機會再入番。


iw | 24-Oct-10, 13:28 | 個人投資攻略 | (93 Reads)

或者我又係想象力豐富,不過小小的意念可以令到自己無限憧憬又何樂而不為。早前我又買入多一隻紡織股互太。 

大家己知的事實是棉花價格升至逾10年新高,所以即使有靚靚業績旁身都冇人垂青,在這輪的升浪當中,落得斯人獨憔悴,我又用小小資金,做小小遠離人群舉措,慢動作收集紡織股。

 (閱讀全文)

iw | 23-Oct-10, 12:36 | 個人投資攻略 | (51 Reads)
星期五見到港元匯價有啲軟軟地,當日回落到7.76水平,港股成交亦縮咗水,得番800幾億,加上早前一直做領頭羊的港交所,一周跌咗超過3%,比恒生指數約1%的跌幅大,三個「指標」都令到我對下星期走勢要睇緊啲,重新將個 “selling list”出嚟準備下。

我唔係專家,亦都唔識攞過去的數據出嚟演譯,不過因為組合內的以二三線股佔多數,對於市場變化比較關心,不時做定少少準備,當然計劃可以靈活調教。簡單一句,我會略略提高風險管理。

星期五我已沽出一半中移動,下星期會沽埋餘下部份,營運數據唔靚,暫時睇唔到留低的原因。另外5元水平增持唔到中國建築,6元水平我又想先行減少少磅,仲有近日跟大勢回勇的大昌行,亦會略略減少少。其實近期買入的股份,仲未等到成果,唔係太想沽出。

近期又有唔少股份想入,星期五又再增持一小注德昌,內地9月汽車銷售再傳來好消息,汽車股又炒多轉,生產配件的敏實都升穿15元,落後的德昌又令人有憧憬。還有一批工業股又再引起我的興趣,近排歐美經濟數據唔係太差,過去星期唔少工業股都優於大市,內需股方面,早前買入了匯銀,由於公司上市唔係太耐,信心唔係太強,雖然有微利,但仍會觀察一下。

在資金有限,又對市況信心有小小保留,出出入入都幾費思量。


iw | 21-Oct-10, 18:52 | 個人投資攻略 | (92 Reads)

今天見到震雄突然急升,細望之下原來因為發盈喜,所以「拿拿林」入番啲貨。公司發盈喜其實唔係咁意外,出售項目帶來的一筆過收入之前都講過,另外,公司業績在去年下半年先開始改善,假若今年業績維持去年下半年的勢頭,盈利都有四成的增長,以今天的收市價計,市盈率回落到約10倍,這未計出售項目的收益,公司有唔少現金,如果派特別股息就係小股東的bonus。唔派特別息,股息都有三厘以上。 

早前因為冇耐性,加上有興趣的股份太多,等到3.2元就沽出,今次買番,打算在業績公布前(應該下月)再加一注。公司發盈喜唔覺意外,但引起四方關注都係好事,大家可以再為佢的估值計計數,自然覺得抵買。

 (閱讀全文)

iw | 19-Oct-10, 22:39 | 個人投資攻略 | (53 Reads)

內地上證指數好不容易重返3000點,人行隨即以加息來慶賀,真的出奇不意,未等九月經濟數據出籠已經擺出下馬威。見到英國股市隨即由升轉跌,而美股初段已見到股、油、金齊齊跌,看來港股和內地股市都有一番波動,港股近日腳仔都軟軟地,依家更多一個借口回吐。

近日出入都留有餘地,未敢太過進取,以便保留現金待調整入貨,不過沒想到咁快內地有加息這一招,我會察望下先決定入唔入貨,如果入的話,傾向買番早前減持或沽出的股份例如中國建築、中航信、重慶機電等,視似調整得多唔多。

上星期見到渣打宣布供股,股價反而更硬淨,忍唔住分段入貨,看來短期都要守一下。另外今天亦都以孖展方式認購四環,這隻股份概念唔錯,但略嫌偏貴,所以抽到都唔會擺長線。


iw | 14-Oct-10, 17:20 | 個人投資攻略 | (118 Reads)

近日出入都比較頻密咗,因為見到股市越升越急,高處開始有點寒意,加上組合內早前領漲股份有少少疲態,所以回報比較大的股份沽少少獲利,同時表現持續呆呆地的,亦都冇得留低,資金用於換馬之外,亦想保留一定水平,以備大市調整時有彈藥入貨,中期我對大市唔睇得太淡。 

少量減持的股份包括中國建築和大昌行,平均回報都超過三成半,另外亦都全數沽出了重慶機電,回報超過兩成,重型機電股有此成績,我都覺得相當不俗。另外亦都送走咗油股和德永佳。

燃氣股組合亦都暫時送走安瑞科,資金轉而增持鄭州燃氣,組合內幾隻股份中,呢隻最硬淨,當然整體表現沒有大市咁強勁,我都會比多啲耐性等相關概念發酵,另外亦都買入了中煤能源,冬天對煤的需求預期會增加,早前見到美國上市的煤股Puda狀態回勇,香港上市的應該都唔輸蝕。

近日亦都兩度增持了惠理基金,股份似漸入佳境,首注投資的回報超過兩成,所以決定乘勝追擊,股價一年高位約6.5元,相信突破呢個水平唔係太難,因為公司下半年投資表現相當出色,有佢足跡的二三線股都升咗唔少。

(後記: 剛見到新聞話惠理配股,睇嚟都會有沽壓,但基於股份盈利前景唔錯,我都會靜觀其變)


iw | 07-Oct-10, 22:29 | 個人投資攻略 | (137 Reads)

昨天提及的燃氣股組合,寫漏了一隻中集安瑞科,公司提供燃氣儲存設備,上一手的母公司係新奧燃氣,後來賣了給中集集團。去年底組織高風險投資組合時,安瑞科係首批買入的股份,其後因為業績差而全數沽清,不過都帶來唔錯的利潤。公司今年的中期業績有改善,股價横行了一段時間,近期成交多咗,所以又買入試試水溫,相對組合其他股份,她的風險最高,因為比較冷門,相關的訊息唔多。

 (閱讀全文)

iw | 06-Oct-10, 22:41 | 個人投資攻略 | (126 Reads)

這幾天一口氣掃入了幾隻燃氣股,包括華潤燃氣、北京控股、鄭州燃氣,以及增持了昆侖,組織了一個燃氣股組合,如果市況沒有逆轉,組合打算作中線,用「過冬」。 

同工業股一樣,燃氣股都係我較偏好的板塊,平時倉底至少留一隻,其中一定包括昆侖,近半年以來這隻股份都好似點咗穴冇乜點郁,直至最近油價升穿每桶80美元開始發力。

 (閱讀全文)

iw | 03-Oct-10, 18:07 | 個人投資攻略 | (107 Reads)

九月對不少股民來說是豐收的一個月,恒生指數升近9%,個人組合在二三線股的帶動下跑羸大市,多隻股份單月升幅超過兩成,包括港交所、和黃、星島、周生生、重慶機電、大昌行(還有沽出的廣州汽車等),當中又以月內買入的大昌行表現最凌厲,平均回升超過三成,或者都差不多係時候分段收割。

不過,在最近幾天在操作上都變得較為保守,個別二三線股見到一些疲態,或因為出現短期的超買現象需要回回氣。

 (閱讀全文)

iw | 26-Sep-10, 13:17 | 個人投資攻略 | (108 Reads)

市況大好,個人的風險胃納亦正在增加,近期買入了一些落後的股份,包括中石化和惠理基金。

港股要再上,都要有大大隻的藍籌配合,組合內已有中移動及和黃,近日都跑羸大市,所以向油股打主意,幾隻油股我比較喜歡中海油,不如以估值計則以中石化較為吸引,踏入下半年國際油價相對穩定,大部份時間在7080美元一桶之間上落,有利中石化的經營。

至於惠理基金,近期股市暢旺,二三線股都跑羸大市,惠理管理的基金,資產值應該升得唔少,上半年基金業績強差人強,如果大市持續向上,惠理的表現可以翻身,而近期股份的成交亦都增加了,所以我又樂意分段吸納。

早前買入兩隻作短線持有的股份晨鳴紙業和數碼通,前者已經沽出獲利,而數碼通則再加注作中線持有,公司不斷回購股份,一來有助支持股價,而回購註銷股份行動都有利現有股東,反正公司資金充裕,沒有其他投資的話,回購股份都冇壞。

如果市況持續強勢,我打算增持多一些現有股份,包括偉易達和德昌,另外若重慶機電再升,都係逐步收割的時候。早前沽出的廣州汽車走勢相當凌厲,幸好換入的大昌行亦都唔弱,帶來更佳的回報。


iw | 19-Sep-10, 12:10 | 個人投資攻略 | (45 Reads)

上個月由於摸唔清大市方向,加上業績期過,所以狠狠地進行大清洗,把一些信心唔大,業績沒有驚喜的股份送走,改持現金和高息股,一個月後的今天,發現效果唔錯,近期股市反彈,不單有彈藥加碼,組合表現爽好多,走勢優於大市。 

吸收過往經驗,斬纜的時候首先要淘汰的是表現麻麻的股份,而唔係仲係賺緊錢的股票,以前股份一蝕錢就唔願賣出,因為沽出等同發了死亡證冇得翻身,誰不知這些股份一直落後大市,拖累埋整體投資表現。

上月沽出的大同機械和創維,股份一度蝕逾三成,但分析過前景和估值,一直都唔甘心賣出,所以改變習慣唔止蝕,其後表現一度有些微改善,不過大部份時間唔多郁,上月對市況沒有太大信心,把心一横掃走晒,兩隻股份蝕咗過萬元都幾肉痛。不過組合表現靚咗好多(幸好投資在房產基金的回報彌補二隻股份的虧損)。現時組合內見紅的股份唔多(ASM、蒙牛、羅欣),蝕唔多過1%,組合順眼好多,那三隻見紅股份在過去星期都落後大市,相信如果大市升勢持續,表現可以後來趕上,當然今次會嚴守止蝕。而經過9月一輪買貨之後,手上現金降至一成,往過的操作會以換馬為主。


iw | 17-Sep-10, 23:22 | 個人投資攻略 | (37 Reads)

港股終於收復今年失地,並向二萬二點邁進,其中二三線股尤為強勢,不少價量勁升,市場氣氛頗為不俗,所以個人的投資變得較為進取,近日分段把防守性的股份,包括兩隻房產基金---越秀房產和領匯全數沽出,兩隻股份在過去兩星期都明顯跑輸大市,所以都係時候功成身退。 

內地股市將分別放中秋和國慶假,預料在兩個長假期當前A股都唔會有大作為,所以決定暫時換出中人壽,以備多些資金入貨遲下有機會再入番。

今天重慶機電終於突破2.4元創新高,早段趁股份一度回調小量加注,未來都唔會再加注並等機會收割,另外,組合內仍持有小量股份的星島和六福,回報分別去到五成和九成,或者短期內全數沽出。

過去幾天買賣都頗為活躍,除再加注中國建築和大昌行之外,亦都投機性買入了晨鳴紙業和數碼通,由於現金唔多,所以在新股當中只用孖展認購了美即,其他即使有興趣都唔夠資金,因為這一輪的升浪未知可以持續多久,撥出一筆資金認賺熱門的新股,要衡量機會成本。

期亦買入兩隻工業股包括德昌和葉氏,令到組合內的工業股增加至五隻。這星期美國的經濟數據表現參差,工業股表現一般,不過以現時的市況,亦都安心放多一會。


Previous Next